Strik: Maqedonia duhet të ketë perspektivë evropiane, kërkesat bullgare s’kanë lidhje me BE

16:55 | 25 Mars 2021
A. B.

Ne nuk shohim shkatërrim nga Maqedonia, por një proces ndotës nga Bullgaria, tha eurodeputetja holandeze nga Grupi Parlamentar i të Gjelbërve, Tineke Strik për “EU Observer”, njofton agjencia e lajmeve AIM.

Ajo shton se “kërkesat bullgare ndaj Maqedonisë së Veriut mbi çështjet e identitetit nuk kanë asnjë lidhje me kriteret për anëtarësim në Bashkimin Evropian (BE).

Strik thekson se bllokada bullgare paraqet një rrezik të minimit të besueshmërisë së BE-së si në vend ashtu edhe në rajon.

Ajo deklaron se “Maqedonia e Veriut ka kaluar dekada duke zgjidhur mosmarrëveshjen për emrin me Greqinë, pas së cilës në vitin 2018 të dy vendet arritën Marrëveshjen e Prespës, e cila hapi rrugën për fillimin e negociatave për Maqedoninë e Veriut për anëtarësimin në BE”, raportoi AIM.

Ajo beson se Maqedonia duhet të ketë një perspektivë evropiane dhe se BE duhet t’i japë asaj atë perspektivë./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm